بسم الله الرحمن الرحيم
في مثال جميل جدا .. ذكره الدكتور حازم شومان في أحد دروسه
كان بيقول
لو إنك واقف مع واحد في حجرة مظلمة
و بتقول له : الأوضة دي في دبانة "ذبابة"
و هو بيقول لك : لا مفيش
و انت تقول : لأ في
و هو مصمم : لأ مفيش
لحد ما اتخانقتم مع بعض من غير ماحد يقتنع
و لو انت من البداية كنت ضغطت على مفتاح النور و نورت الأوضة
كان هو من نفسه .. من غير انت ما تتكلم كان قال :
إيه ده .. ده في دبانة !!!
إيه المثل الغريب ده ؟؟
المثل ده بيعبر عن طريقتنا في دعوة الناس
احنا بنيجي مثلا لواحد بيدخن
التدخين حرام
و كل الناس دلوقت عارفة إن التدخين حرام
و مقتنعة تماما و ممكن يسمعلك الأدلة
هو عارف إن " التدخين حرام "
عارف يعني إيه " تدخين "
بس مش عارف يعني إيه " حرام "
مش عارف مين ربنا اللي هو بيعصي أمره
فمهما تحاول تقنعه إن التدخين حرام .. مش هيبطل
إنما لو " نورت النور "
و كلمته عن ربنا و حببته في ربنا
هو من نفسه هيقول
إيه الحاجة اللي ترضي ربنا و أنا أعملها
بس ماتفتكروش إن ده سهل
إنك تحبب الناس في ربنا .. حب حقيقي يؤثر في تصرفاته و يغير حياته
مش حاجة سهلة
و محتاجة مجهود كبير .. و إخلاص
و أولا و أخيرا توفيق من الله
مش دي بس المشكلة اللي هنتكلم في حلها
في مشاكل تانية كتييييييييييير
هنحلها كلها بإذن الله
بإننا بس
ننور النور
هنعمل فيها ايه يعنى ؟؟؟
ان شاء الله عايزين الناس كلها تعرف ربنا وتحبه وتطيعه
وعشان كده لابد من نشر مواضيع
فى كل حاجه كل المجالات
مع المتابعه
لمساعده الناس فيها انهم يقربوا من ربنا
طب وليه يعنى الكلام ده ؟؟؟
لكذا حاجه
فى منتديات كتييييير اعضائها عددهم كبييييير وتقريبا كلهم مسلمين بس الدين عندهم ما لوش حيز كبييير
وهما إما مش عارفين
او عارفين بس مش فاهمين
او فاهمين بس مش حاسين
وعشان كده هما بعيييييد
وبالتالى اكيد الحاجه اللى هما شايفينها بعينهم وحاسسينها هيدولها من قلبهم مكان كبير
ان شاء الله دورنا اننا نخلى الحاجه اللى تملى قلبهم هيا الدين
طب واحنا مالنا ؟؟؟
لأ ما فيش احنا مالنا
انت مسلم ربنا فتح عليك واصطفاك وهداك لصراطه المستقيم واغرقك فى نعمه الظاهره والباطنه
يبقى لازم تشكره
ومن لوازم شكره على النعمه استخدامها فى طاعته ونشر خيرها على غيرك
كمان
انت مأمور بالدعوه الى الله لأنك من دين اعظم الدعاه سيدنا محمد رسول الله صلى الله عليه وسلم
قال تعالى
{وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَأُوْلَـئِكَ هُمُ الْمُفْلِحُونَ }آل عمران104
وقال رسول الله صلى الله عليه وسلم
< بلغوا عني ولو آية>
الراوي: - المحدث: ابن تيمية - المصدر: مجموع الفتاوى - الصفحة أو الرقم: 30/205
خلاصة الدرجة: صحيح
بلغوا : تكليف
عنى : تشريف
ولو آيه : تخفيف
وكمان
محتاجين الامه ترجع لربنا وتعيش حياتها على نهج السلف والصحابه على شريعة الاسلام
فانه لن يصلح أمر اخر هذه الامه إلا بما صلح عليه اولها
وكمان
محتاجين كلنا ندخل الجنه مع بعض انا وانت واخويا و........ .ما حدش يضيع مننا
وكمــان ...
وكـــمـــان ....
ربنا ييسر
ومين قال ان الناس هتسمع كلامنا ؟؟؟
اول حاجه انت عليك البلاغ باخلاص كامل وان شاء الله ربنا يرى منا الصدق فى دعوتنا ويهدى من يشاء
وكمان الناس الحمد لله بيستجيبوا بفضل الله . ودى بشرى من اخواننا فى منتدى طريق الحقيقه
السلام عليكم ورحمة الله وبركاته
إليكم بشرى رائعة إخوانى وأخواتى ::::
الله أكبر ....الله أكبر
لقد تابت صاحبة أحد المنتديات ورجعت إلى الله
أنا من فترة ادعو فى هذا المنتدى بعد انضمامى لقافلة الهدى وممّا سبّب في هدايتها
اسأل الله العظيم أن يثبتها على طريق الهداية
جميل
عمليا... هنعمل ايه بالظبط ؟؟؟
1 . نُخلِص لله فى امرنا هذا
2 . نستعين بالله على قضاء هذا الامر
3 . نتوكل على الله فى امرنا هذا
4 . الدعــــــــــاء . . . كلنا لازم ندعى ربنا يوفقنا ويسدد خطانا ويرشدنا للصواب من امرنا
5 . الاخذ بالاسباب
- تعالوا نمشى لربنا خطوه
بجد بجد لازم نحس خطر الموضوع وثقل المسؤليه
ان حال شباب الامه دلوقتى ضايع وانهم بعيد عن ربنا وأمتنا مستضعفه ومحتاجه لرجاله
بس للاسف
كثر الذكور وقل الرجال
نسأل الله السداد والتوفيق والعون و القبول
السبت يونيو 27, 2009 2:29 pm
