| عندما يتحول الحب إلى ألم | |
|
|
كاتب الموضوع | رسالة |
---|
eyeball عضو نشيط
عدد الرسائل : 235 العمر : 36 تاريخ التسجيل : 08/10/2008
| موضوع: عندما يتحول الحب إلى ألم الأربعاء يونيو 24, 2009 12:05 pm | |
| عندما يتحول الحب الى ألم فنحن نحب أكثر من اللازم عندما نغفر نزوات من نحب ..ونتحمل تقلباته .. فنحن نحب أكثر من اللازم عندما نتحول إلى محللين نفسيين لمن نحب فنحن نحب أكثر من اللازم عندما نرفض الكثير من مبادئه ومن أخلاقياته وسلوكه ..ونأمل أن نغيره بمرور الوقت ..فنحن نحب أكثر من اللازم عندما نقرأ قصيده أو مقاله او كتابا ..فنضع خطوطا تحت مايحبه .. وماينفعه ..فنحن نحب أكثر من اللازم فهل مررت بهذه التجربه في حياتك ! أو مررتي بها الآن ؟ السؤال الأول بعد هذه المقدمة : لماذا يحاول عدد كبير منا أن يبحث عن شخص يحبه ؟ والسؤال الثاني : لماذا نختار عادة شخصا متعبا ولا يستحق حبنا لنحبه؟ والسؤال الثالث : لماذا كلما ازداد سوءا زاد حبنا له ؟ والسؤال الرابع : لماذا يتحول هذا الحب الى إدمان؟ والسؤال الخامس : كيف نتخلص من هذا الإدمان؟ ولكن قبل أن نعرف الإجابة على هذه الأسئله. لابد من تعريف للحب . والحب الأكثر من اللازم .وتعريف الحب قلنا عنه وقال غيرنا مايملأ مجلدات ولكنني اختار من آلاف التعريفات ماقلته قبلا أن الحب طاقة وكل منا يحمل طاقة معينه من الحب يريد أن يطلق عقالها .. وهي ككل طاقة أخرى يمكن أن تسعدنا .. ويمكن أن تدمرنا .. مثل طاقة النار .. وطاقة الذره .. النار يمكن أن تدفيء ويمكن أن تحرق .. الذرة يمكن أن تصنع السلام ويمكن أن تدمر العالم .. والحب أيضا .. أما الحب الأكثر من اللازم فتعريفه كما جاء في السطر الأول من هذا الحديث .. إنه الحب عندما يتحول إلى ألم .. ونعود الى الأسئلة .. لماذا يحاول كل منا أن يبحث عن شخص يحبه ؟ علماء النفس أجابوا على هذا السؤال إجابة غريبة ولكنها حقيقية إننا جميعا خائفون أن نكون وحدنا في هذا العالم .. نحن خائفون من الوحدة .. ونحن خائفون من ألا نكون محبوبين .. ونحن خائفون من ألا يكون لنا قيمة .. ونحن خائفون من ألا نجد من ننتمي اليه أنت تحبين فأنت خائفة ..تماما مثل ديكارت ..أنا أفكر اذا فأنا موجود ...وأنت تحب فأنت خائف ..الحب اذا مبعثه الخوف ..أساسه الخوف ...وكلما زاد الخوف ازداد الحب .. السؤال الثاني ..لماذا نختار عادة شخصا متعبا ولا يستحق حبنا ..علماء النفس يقولون أن في نفس كل منا مصلحا يريد أن يهدي الآخرين ...وهو يختار بلا وعي شخصا يستطيع أن يصلحه ... أو يستصلحه .. أن يقوم بدور الأب أو الأم والشقيق لرعاية هذا الشقي أو كلما ازدادت شقاوته زادت رغبتنا في اصلاحه.. والأم تحب ابنها الشقي المتمرد وتحنو عليه ..وتهتم به أكثر من بقية اخوته .. وهذا يعتبر إجابة على السؤال الثالث أما الرابع فهو لماذا يتحول الحب إلى إدمان ؟ فذلك الآخر يتحول بمرور الوقت إلى ضرورة ... ضرورة نفسيه وجسدية أيضا .. ويصبح ضرورة كالسيجارة عند المدخن ..تؤذيه ولكنه لا يستغني عنها ..تملأ رئتيه بل جسده كله بالنيكوتين السام ..والقار ولكنه يزداد شراهة للتدخين بمضي الوقت , الحب الأكثر من اللازم سيجارة ..تحرقنا ولا نحرقها ..وتقودنا إلى المرض والموت .. ولا نستغني عنها.. يبقى السؤال الأخير والهام ....كيف الخلاص ؟ والخلاص من هذا النوع القاتل من الحب _ كما ينصح علماء النفس _ لا يأتي بالتدريج ولكن في لحظة ...لحظة نقرر فيها أننا سنتوقف عن حب هذا الآخر ...سنتوقف عن محادثات الهاتف .. وعن الرسائل ...وعن لقاءات ...وأهم من هذا كله ... سنتوقف عن التفكير فيه ...سنسقطه من حسابنا تماما ...سنعتبره مات ..دون أن نقيم عليه مأتما وعويلا ************ ********* ** ونعود لبداية الحديث عندما يتحول الحب إلى ألم ...فنحن نحب أكثر من اللازم ...ويجب ألا نمر بهذه التجربة ...فالحب هو أعظم سعادة أما إذا تحول إلى عذاب فيجب أن نتخلص منه ..فلماذا نعذب أنفسنا ؟؟ | |
|
| |
sandy Admin
عدد الرسائل : 1207 العمر : 34 سنة كام : سنة حبة كتير تاريخ التسجيل : 10/08/2008
| موضوع: رد: عندما يتحول الحب إلى ألم الجمعة أغسطس 21, 2009 4:28 pm | |
| لماذا نعذب أنفسنا ؟؟
مش عارفة فعلا ليه | |
|
| |
sandy Admin
عدد الرسائل : 1207 العمر : 34 سنة كام : سنة حبة كتير تاريخ التسجيل : 10/08/2008
| موضوع: رد: عندما يتحول الحب إلى ألم السبت أغسطس 22, 2009 11:42 pm | |
| أنا في قصة حصلت لصديقة غالية عندي عايزة أحكيها وأعرف رأيك فيها ومش رأيك لواحدك رأي كل إللي فالمنتدي
هي بداية القصة أنها اتعرفت علي انسان وحبيته جدا لدرجة الجنون وهو برضه قالها أنه بيحبها واتعرف علي أهلها وزارهم فبيتهم هو وأهله وهي حاسة أن هو كمان بيحبها لكن اللي عايزة أوضحه
أننا مفيش فينا إنسان كامل هي كان فيها عيوب وهو برضه فيه عيوب المهم هي اتغيرت علشانه وغيرت فعيوبها إللي هو كان بيتخنق منها وهو قالها أنه مبسوط بتغيرها ده
وطلبت منه أنه يغير بعض عيوبه إللي بتخنقها وهو قال أنه هيتغير لكن هي ما لاحظتش تغيره ده واشتكت ليه كتير وحصل بينهم مشاكل أكتر برضه هي عيوبه إللي بتضايقها مش سهله ومش سهل التغاضي عنها وهي كانت عايزة حل
تيجي تحاول تبعد ما تعرفش وأبسط إللي يحصل ليها أنها تقيم عند الدكاترة بسبب أنهم في بينهم زعل ولو مش عند الدكاترة تتعب فالبيت
وحاولت معاه كتير وسامحته كتير لكنها تعبت منه برضه
أنا قولت ليها كلمة ( قولت ليها الحب زي الوردة والزهور لو الزهور ما لقيتش إللي يهتم بيها ويراعيها يرويها هتدبل وتموت )
بس هي حاسة أني قاسية لما قولت ليها كده ياتري أنا غلطانة هي فعلا مش بتبطل تفكير فيه ولا تقدر تتخيل أنه يبعد عنها
هو لما بيجرحها جرحه ليها مش بيكون جرح عادي
وهي كمان مشكلتها أنها لما بتحب بتحب بمنتهي الإخلاص وهو أول واحد فحياتها وهو كمان متأكد أنها عمرها ما عرفت حد قبله يا تري في حل ليها غير البعد
أنا أسفة أني طولت
أنا عايزة رأيك يا eyeball أنتي وكل اللي فالمنتدي لأني بيعجبني كلامك | |
|
| |
eyeball عضو نشيط
عدد الرسائل : 235 العمر : 36 تاريخ التسجيل : 08/10/2008
| موضوع: رد: عندما يتحول الحب إلى ألم الأحد أغسطس 23, 2009 8:44 pm | |
| مرسي ليكي بجد بس ساعات في حاجات بتحصل معانا نحس منها ان ربنابيكلمنا ويقولنا بلاش الموضوع الفلاني بنحس ان الحاجه اللي ربنا عيزنا نعملها بنلاقيها ماشيوة وسالكه مفهاش مشاكل زي ما بنقول بالعامية بس المهم هي هتقدر تعيش علي الوضع دا ولا لاه
وعلي فكرة مفيش حد بيتغير هي متغيرتش هي بدات تطبع نفسها علي طباعه لكن مفيش حد بيتغير ولو العيب مش قادرة تستحمله يبقي ربنا هيبعتلها اللي احسن منه اللي يقدرها فعلا ويقدر حبها وربنا يوفقها للاختيار الصح باذن الله | |
|
| |
sandy Admin
عدد الرسائل : 1207 العمر : 34 سنة كام : سنة حبة كتير تاريخ التسجيل : 10/08/2008
| موضوع: رد: عندما يتحول الحب إلى ألم الأحد أغسطس 23, 2009 10:13 pm | |
| جايز تكون المشكلة أنها مش شايفة أدامها حد غيره فالدنيادي كلها
حتي لما بيضايقها ممكن بكلمة بسيطة أو بتصرف أبسط منه تغفرله
هو نفسه قالها أن الراجل بيتغير بعد الزواج
هل يا تري فعلا دي حقيقة ولا مجرد كلام
وشكرا لإهتمامك | |
|
| |
eyeball عضو نشيط
عدد الرسائل : 235 العمر : 36 تاريخ التسجيل : 08/10/2008
| موضوع: رد: عندما يتحول الحب إلى ألم الأربعاء أغسطس 26, 2009 3:42 pm | |
| مرسي ليك يا جميل بس السؤال المهم هنا هل التغيير للاحسن ولا للاسوأ ؟؟؟؟؟؟؟؟؟ يلريت تجاوبي علي السؤال دا ؟؟؟ لانه سؤال مهم جداااااااااااا والمشكلة فعلا ان الحب بقي اعمي بس احسن حاجه تدخل ربنا وتصلي وهي هتحس من جواها اذا كان ربنا عايز الموضوع دا ولا لاهوالخير ربنا هيعملهاها ان شاء الله | |
|
| |
sandy Admin
عدد الرسائل : 1207 العمر : 34 سنة كام : سنة حبة كتير تاريخ التسجيل : 10/08/2008
| موضوع: رد: عندما يتحول الحب إلى ألم الأربعاء أغسطس 26, 2009 4:03 pm | |
| علي فكرة هي اتغيرت فحاجات للأحسن وفي حاجات للأسوأ
يعني ما أتكرش أن في بعض الحاجات إللي احنا شايفنها فيها أحسن وفي حاجات فيها بقيت أسوأ
بس ربنا يسهل كل شئ | |
|
| |
titanic على قد حالي
عدد الرسائل : 76 العمر : 34 سنة كام : تانيه تجاره منطقتك : المحله كليتك : كليه التجارة جامعتك : جامعه طنطا تاريخ التسجيل : 05/08/2008
| موضوع: رد: عندما يتحول الحب إلى ألم الأربعاء أغسطس 26, 2009 4:32 pm | |
| مش لازم يعنى الحب يتحول لالم بلاش تشاؤم الحب ده شىء جميل واللى بيحب بجد عمره ميسيب حبيبه يتالم بسببه والحب ده اجمل حاجه تساعد الواحد انه يتغير | |
|
| |
eyeball عضو نشيط
عدد الرسائل : 235 العمر : 36 تاريخ التسجيل : 08/10/2008
| موضوع: رد: عندما يتحول الحب إلى ألم الأحد أغسطس 30, 2009 3:31 am | |
| انا مش بتكلم عن التغيير ليها هي انا بتكلم عن التغيير ليه هو مش كل الناس زيك يا تايتنك انت شايف ان الحب بيساعد علي التغيير بس ممكن ظروف الحياة ترجع ريما لعادتها القديمة انا يمكن اكون اكبر منكم في السن مش كتير يعني بس اخدت ولو خبرة بسيطة من المشاكل الليكنت بشوفها مع صحابي والحمد الله يمكن تكون نفعتني في اختياري لشريك حياتي والحمد الله الحمد الله هو مش شايف ان انا فيا حاجه وحشه بالعكش هو شايف ان كل حاجه فيا حلوة ومش بس حلوة هو راضي بيها كده علي العكس كنت بشوف ناس بتحاول تلغي شخصية البنت اللي معاها صدقوني ربنا ممكن يكون بيسبب الاسباب فعلا والحمد الله علي كل حاجه بس اهم حاجه اننا نفكر بعقلنا في اللي بيحصل وبعد كده ندخل قلبنا انتم لسه في سن المراهقة بس صدقوني دي محاضرة ولا حاجه دي عن تجربة بجد انك تحس انك ليك الشخصية اللي حوليك بيحترموها وبيقدر كلمتك ليه وبيحترمك
احب اعرف رايكم وتعرفوا راي مين كمان مهم ومههم جدااااااااااا
"""" بابا وماما والاهل """
هم اكبر مننا ليهم خبرة ونظرة للشخص اللي قدامهم احسن من اننا نرجع ونقول ياريت وصدقوني ساعتها تبقي فرحتنا راحت بس ربنا مدبرلنا حياتنا وربنا يوفقكم وعايز اعرف رايكم برضه | |
|
| |
titanic على قد حالي
عدد الرسائل : 76 العمر : 34 سنة كام : تانيه تجاره منطقتك : المحله كليتك : كليه التجارة جامعتك : جامعه طنطا تاريخ التسجيل : 05/08/2008
| موضوع: رد: عندما يتحول الحب إلى ألم الأحد أغسطس 30, 2009 11:39 pm | |
| على فكره اللى بيحب حد بجد عمره مايشوف فى اللى بيحبه حاجه وحشه بالعكس دا بيشوفه احسن واحد فى الدنيا ولا ايه | |
|
| |
titanic على قد حالي
عدد الرسائل : 76 العمر : 34 سنة كام : تانيه تجاره منطقتك : المحله كليتك : كليه التجارة جامعتك : جامعه طنطا تاريخ التسجيل : 05/08/2008
| موضوع: رد: عندما يتحول الحب إلى ألم الأحد أغسطس 30, 2009 11:40 pm | |
| عن تجربه برده كلامى ده مش كلام وخلاص | |
|
| |
eyeball عضو نشيط
عدد الرسائل : 235 العمر : 36 تاريخ التسجيل : 08/10/2008
| موضوع: رد: عندما يتحول الحب إلى ألم الثلاثاء سبتمبر 01, 2009 4:33 pm | |
| كلامك حلو قوووووي وعندك حق فيه بس فيه برضه حاجات مينفعش نخرج عنها اننا في ظروف ساعات كتير قووووووي مش بنشوفها علي الحب اعمي مغمي عنينا عن الحقيقة بس لما بندخل في الجواز ونبقي في وش بعض كل يوم هنشوف الحقيقة دي واضحه وممكن منستحملهاش يبقي كده لازم ييكون الاختيار صح من الاول
فيه مثل شعبي بيقول " ان دخل الفقر من الباب هرب الحب من الشباك " مش قصدي منه انه الفقر بيموت ا لحب لالالالالالالالالالالالالالالالالا خالص المقصود منه اننا نبقي دقيقين في اختيارنا مش عايزين نتجوز وخلاص او عايزين نحب وخلاص ونتعب نفسنا واللي بنحبهم معانا وكمان اهلنا هم اللي بيتعبوا اكتر مننا ولا زم تاخد البنت من بيت اهلها تعليها مش تنزلها معاك لتحت | |
|
| |
NOURA على قد حالي
عدد الرسائل : 82 العمر : 36 سنة كام : خلصت كليتك : كلية الزراعة جامعتك : جامعة المنصورة تاريخ التسجيل : 05/02/2009
| موضوع: رد: عندما يتحول الحب إلى ألم الأحد فبراير 07, 2010 7:21 pm | |
| فى الزمن ده محدش بيدور على الحب كل الناس بتدور على نفسها وبس!!!!!!!!
واحنا مش بنصدق ده غير لما بنحب بجد... والحب ده نلاقيه اتحول لسرااااب.. شكرا ليكى .. eyeball كلامك صح جدااا لانه ماشى مع الناس اللى بتفكر بعقلها وبس... | |
|
| |
eyeball عضو نشيط
عدد الرسائل : 235 العمر : 36 تاريخ التسجيل : 08/10/2008
| موضوع: رد: عندما يتحول الحب إلى ألم الأربعاء مارس 17, 2010 9:58 pm | |
| انا مش بفكر بعقلي وبس انا فكرت وحبيت وارتبطت بانسان كويس بس انا مختوش عن حب بالعكس انا قعدت معاه مرة واتنين وتلاتة واديت لنفسي الفرصة انه يكون موجود حتي ولو راحه نفسية للشخص اللي معاكي بس لما قربنامن بعض اكتر واتخطبنا هو بقي المرة دي اللي خلاني احبه بجد واقرب منه وساعتها حسيت انه مش شرط الخطوبة علشان تتم يكون فيه حب لالالالالالالالالا كفاية انه كان فيه راحة مبدئية للشخص
وهو كان بيدور علي الحب لانه عايز يستقر ويرتبط بجد ويكمل حياتةمع انسانة هو اللي اختارها برضه وارتحلها برضه قبل الخطوبة
وعلي فكرة انا بالنسبة ليا ان الخطوبة اللي مش بتكمل هي فعلا دي الجوازة الناجحة لانها ممكن لو كملت واتجوزا كان ينتهي بيهم الامر للطلاق وتشتيت اسرها باكلمها
فبجد ياريت منفكرش في الحب دا غير لما نخلص دراسة اولا نبقي من جوانا ناضجين بجد الكلام دا عن تجربة يا جماعة انا مش بدي محاضرة خاااالص بس مريت بحاجات زي دي في حياتي ونفسي بجد ان الناس متقعش فيها لاني كنت كل لما بشوف حد بيقع في الحب وهو ضغير قبل ما ينضج فكرة وعقله وعواطفة النهاية بتكون عكس اللي هو عايزة وبالذات دلوقتي ظروف الشغل والمعيشة لازم متربطش بنفسك بحد الا لما تكون قد المسئولية دي تكون فعلا قد الرجولة اللي معناها كلمة بجد الراجل بتربط بلسانة بكلمته ياريت نكون كلنا كده معلش طولت عليكم انا اسفة | |
|
| |
hotteam عضو فعال
عدد الرسائل : 1739 العمر : 38 تاريخ التسجيل : 07/08/2008
| موضوع: رد: عندما يتحول الحب إلى ألم الثلاثاء مارس 23, 2010 10:35 am | |
| شكرا على التعليقات الجيدة ولكن السؤال هل الحب فقط يكفي لفتح بيت وتحمل المسؤلية ام هو شعار لا يبقى منه شئ عندما تتصادم الحب مع موجات الواقع | |
|
| |
NOURA على قد حالي
عدد الرسائل : 82 العمر : 36 سنة كام : خلصت كليتك : كلية الزراعة جامعتك : جامعة المنصورة تاريخ التسجيل : 05/02/2009
| موضوع: رد: عندما يتحول الحب إلى ألم الأربعاء مارس 24, 2010 7:46 pm | |
| أكيد طبعا الحب يكفى ,,, لولا وجوده مش حيكون فيه رحمه أو تجاوز من الطرفين لصعوبات الحياة
تخيل كده بيت مافيهوش حب ,, بس ماليان مشاكل وبيت تانى مبنى على الحب ,,, وبرده ماليان مشاكل
أى بيت فيهم حيكون تحمله للمشاكل أقل ؟؟؟ أكيد اللى فيه حب ,,, أكيد حيكون فيه رحمه أكتر وتجاوز عن أخطاء ,, يعنى هيعدوها عشان المركب تمشى
لكن اللى مافيهوش حب ,, هتلاقى كل واحد بيقف على الواحده لشريكه ,,
بس فى الأول والآخر ,, أقولك العيب فينا إحنا مش فى الناس
إحنا اللى بنختار اللى نحبهم ,, وإحنا اللى بنقرر مصيرنا يإدنا مش حد تانى | |
|
| |
sandy Admin
عدد الرسائل : 1207 العمر : 34 سنة كام : سنة حبة كتير تاريخ التسجيل : 10/08/2008
| موضوع: رد: عندما يتحول الحب إلى ألم الخميس مارس 25, 2010 11:26 pm | |
| | |
|
| |
hotteam عضو فعال
عدد الرسائل : 1739 العمر : 38 تاريخ التسجيل : 07/08/2008
| موضوع: رد: عندما يتحول الحب إلى ألم السبت مارس 27, 2010 1:20 pm | |
| عندك حق بس والله الواحد بيحب الإستقرار ولو واحدة معاة بتغلط مس مش كتير وفي حب حب الحياة هتكون جميلة بإذن الله | |
|
| |
sandy Admin
عدد الرسائل : 1207 العمر : 34 سنة كام : سنة حبة كتير تاريخ التسجيل : 10/08/2008
| موضوع: رد: عندما يتحول الحب إلى ألم الخميس أبريل 15, 2010 6:56 pm | |
| لازم يبقي في روح التسامح ولو في غلط في مشكلة فالبيت واحد الطرفين غلط واعتزر مش يتكرر الكلام فالموضوع دا تاني في وقت مشكلة ولا إيه رأيكو | |
|
| |
| عندما يتحول الحب إلى ألم | |
|